تجربه التحدث في مؤتمر تقني عالمي

زي الفتره دي من سنتين كنت بجهز للمشاركه في مؤتمر AI Conf في لندن و اللي بتنظمه O'REILLY كل سنه و بتجمع فيه افضل الناس اللي شغاله علي تطبيقات #الذكاء_الاصطناعي عشان يتكلموا عن شغلهم(ثريد عن تجربه المشاركه كمتحدث في المؤتمر دا)المؤتمر كان فيه متحدثين من فيسبوك ، تويتر ، لينكدن ، اكسفورد و غيرهم ، مشاركتي كانت عن شغل فريقي في #كريم و عن ازاي بنينا Machine Learning Platform من البدايه للنهايه.طيب ازاي قدرت اشترك فيه ؟المؤتمر كان في اكتوبر لكن التقديم فتح من مارس ، كل واحد المفروض انه يقدم طلب يتكلم فيه عن المحتوي اللي حيعرضه و ايه الاستفاده اللي حتيجي للحضور و بعدها يتم فلتره و تقييم الطلبات. بالنسبالي التحضير من بدري كان مفيد جدا ، كمان راجعت الطلب مع كذا صديق عنده خبره في الموضوع و دا فادنيالمؤتمر كان لمده اربع ايام فيه اكتر من ١٠٠ محاضره فبالاضافه لفرصه المشاركه ، المتحدثين بياخدوا فرصه يحضروا talks قويه بدون حاجه لشراء تذكره المؤتمر اللي تمنها حوالي ١٥٠٠$ !دي كمان فرصه جميله انك تتعرف علي المتحدثين دول و خاصه لما يعرفوا انك متحدث زيهم.

افتكر كان برضه في ايفنت بليل برا و جمعوا فيه كل المتحدثين و الحقيقه اتعرفت فيه علي ناس مميزه جدا !السيشن نفسها كانت كويسه الحمد لله ، و دا كان اكيد نتيجه لتحضير كتير ، المحتوي نفسه اثار اسئله كتيره في ذهن الحضور و دي كانت حاجه ايجابيه جدا و اسعدتني.

المشاركه في مؤتمر بالحجم دا كان ليه فوايد كتير ، اولها اني اتعرفت علي ناس مميزه من شركات مختلفه.طبعا جالي فرص شغل متعدده ، و من الحاجات اللطيفه كمان انه جالي فرصه كتابه كتاب او تحضير كورس عن Machine Learning Engineering مع ناشر معروف بسبب انه اتعرف علي شغلي من المؤتمر.

السيشن نفسها موجوده علي اليوتيوب للمهتمين  .و لو في حد بيفضل المحتوي المكتوب ففي تدوينه برضه عن الموضوع

المصدر

أظهر التعليقات